Լոնդոնում օլիմպիական խաղերի մեկնարկի առիթով այսօր Հայաստանում Մեծ Բրիտանիայի արտակարգ եւ լիազոր դեսպան Ջոնաթան Ջեյմս Էյվսն այցելեց «Էրեբունի» բժշկական կենտրոնի ծննդատուն` նվերներ հանձնելով նորածիններից երկուսին: Շնորհավորելով մայրերին` դեսպանը նվիրեց օլիմպիական խորհրդանիշներով մանկական հագուստ, խաղալիք, ոսկե մեդալ, իսկ ծնողներին` շամպայն` նորածինների ծնունդը նշելու համար: «Շնորհավորում եմ եւ շնորհակալություն հայտնում, որ մեզ ընդունեցիք Լոնդոնի օլիմպիական խաղերի բացման օրը: Օլիմպիական խաղերը մարդկանց պոտենցիալն օգտագործելու պլատֆորմ են, եւ հուսով եմ, որ ձեր երեխաները մի օր կօգտագործեն իրենց հնարավորությունները»,-ասաց Ջոնաթան Ջեյմս Էյվսը:
Գրիգորյան Հրաչյան էլեոնորա Հովհաննիսյանի առաջնեկն է. ծնվել է 02.00-ի սահմաններում. «Մինչն այդ զգացողություն ունեի, որ տղա եմ ունենալու: Կարծում եմ` լուրջ նշանակություն ունի այն, որ երեխաս այս օրն է ծնվել: Մեծ պատիվ է, որ դեսպանն այցելեց եւ շնորհավորեց մեզ: Երեխաս ստացավ իր առաջին ոսկե մեդալը, եւ հուսով ենք, որ հետագայում նույնպես կնվաճի այն»:
Լրագրողների հետ զրույցում Ջոնաթան Ջեյմս Էյվսն ասաց, որ օլիմպական խաղերն առաջնահերթ խորհրդանշում են խաղաղություն. «Բայց մեզ համար տխուր է նկատել, որ Սիրիայում դեռ բախումները շարունակում են: Շատ հաճախ օլիմպիական խաղերի ընթացքում հակամարտող կողմերը հանդիպում են միմյանց»:
Կարդացեք նաև
Լուիզա ՍՈՒՔԻԱՍՅԱՆ
