«Մարդիկ երկար տարիներ ապրել են այնտեղ, եւ Սիրիայի ծաղկուն շրջանում իրենք էլ են ծաղկել: Ոչ մի դեպքում սիրիահայերը չեն ցանկանում թողնել իրենց ծննդավայրը: Մարդիկ այնտեղ գործ, տուն-տեղ ունեն, ո՞նց գան: Դա Դաշնակցության գաղափարը չէ, սիրիահայերի գաղափարն է: Չնչին մաս, այո, գալիս է»,- «Առավոտի» հետ զրույցում ասաց հալեպահայ Վազգեն Մեսրոպյանը: Մեր զրուցակիցը կարծում է, որ որոշ քաղաքական եւ հասարակական ուժեր հանիրավի շահարկում եւ քաղաքականացնում են Սիրիայում վերջին իրադարձությունների առիթով դեպի Հայաստան սիրիահայերի ներգաղթի առիթով առաջացած անհարմարությունները:
«Առավոտ» օրաթերթ
