«Սա բացարձակապես կրոնական հարց չէ: Ամերիկան եւ Եվրոպան ուզում են այդ ուղղությամբ տանել, բայց՝ մենք, սիրիահայերս, դեմ ենք դրան: Վերջին շրջանում մեր մամուլում էլ նման մոտեցումներ եղան: Դա այդպես չէ»,- Aravot.am-ի զրույցում ասաց ՍԴՀԿ վարիչ մարմնի անդամ, հալեպահայ Վազգեն Մեսրոպյանը:
«Սա զուտ աշխարհաքաղաքական հարց է, ուստի մեր մամուլը պետք է զգույշ լինի: Մենք՝ սիրիահայերս չեզոք դիրք ենք բռնել եւ այդպես էլ պետք է լինի»,- ասաց մեր զրուցակիցը՝ հավելելով, որ Սիրիայի ներկայիս նախագահ Բաշար ալ Ասադն արդեն գնում էր բարեփոխումների ճանապարհով եւ նկատելի էր նաեւ բնակչության համար:
Թե, այնուհանդերձ, ինչո՞ւ զարգացումները նման ընթացք ստացան, մեր զրուցակիցը չի ցանկանում «մտնել զուտ քաղաքական բաների մեջ»:
Կարդացեք նաև
«Ցավոք, այսպես պատահեց: Մեկ խնդրանք, որ ՀՀ կառավարությունը սատար կանգնի սիրիահայերին: Չեմ ասում բնակարաններ-բաներ տրամադրի, բայց մանր-մունր փաստաթղթային հարցեր կան: Արդեն շատ բան արել են: Մասնավոր շնորհակալություն տիկին Հրանուշ Հակոբյանին, որ ընդառաջում է եւ, որպես սփյուռքի նախարար արդարացնում է իրեն»,-ավելացրեց մեր զրուցակիցը:
Զրույցի այլ մանրամասները՝ վաղվա «Առավոտի» տպագիր համարում
Նելլի ԳՐԻԳՈՐՅԱՆ
