Գյուղերում պանիր պատրաստելը առօրյա գործերի մի մասն է կազմում:
Խանութից պանիր գնելու փոխարեն՝ գյուղի բնակիչներն օգտագործում են սեփական ձեռքերով պատրաստած պանիրը:
«Մի փոքր սխալ, և պանիրը չի ստացվի»,- ասում է Բայանդուր գյուղի բնակիչ տիկին Սիրարփին:
Նա այսօր չեչիլ պանիր է պատրաստում, այն կարելի է պատրաստել հետևյալ եղանակով.
- Առաջին հերթին առանձնացնել կաթը հումսերից (կաթի սեր):
- Կաթը թողնել մի քանի ժամ, որպեսզի այն խմորվի (թթվի):
- Այնուհետև կաթը դնել կրակի վրա (մոտ կես ժամ):
- Պանիրը անջատել շիջուկից (կաթից մնացած հեղուկից):
- Պանիրը հանել շիջուկից (ավելի լավ պանիր ստանալու համար այս գործողությունը կարելի է կրկնել, նորից դնել կաթից մնացած հեղուկի մեջ, փայտի օգնությամբ խառնել):
- Ամենավերջում փայտե ձողի վրա պանիրը կախել մինչև սառելը:
Այս գործողություններից հետո արդեն պատրաստ է չեչիլ անունով պանիրը (այն նաև անվանում ենք թելով պանիր):
Դե ինչ, բարի ախորժակ :
Արփինե Արզումանյան` «Չեչիլ պանրի պատրաստումը գյուղում» (mynews.am)
