Այս պահին Կենտրոն եւ Նորք-Մարաշ վարչական շրջանների ընդհանուր իրավասության դատարանի թիվ 1 նիստերի դահլիճում տեղազննություն է իրականացվում իրավապահ մարմինների կողմից: Քիչ առաջ ամբաստանյալ Ստեփան Հովակիմյանը փորձել էր ինքնավնասել իրեն:
Շտապօգնության ավտոմեքենան արդեն հեռացել է: Դեռ նիստը չի սկսվել:
Ամեն ինչ սկսվեց նրանից, երբ «Մոսկվա» կինոթատրոնի գողության գործով փաստաբան Երվանդ Վարոսյանը եւ Լուսինե Սահակյանը միջնորդեցին, որպեսզի սկսվի դատաքննությունը եւ որպես կարեւորագույն վկա ներս հրավիրեն մյուս ամբաստանյալի՝ Վահրամ Քերոբյանի մորը՝ Ռուզաննա Քերոբյանին: Փաստաբաններն ասացին, որ նա տիրապետում է էական նշանակություն ունեցող տեղեկության եւ դա կարող է փոխել դատաքննության ելքը: Վահրամը համաձայն չէր, որ մայրը ցուցմունք տա, իսկ դատախազ՝ Երեւան քաղաքի ավագ դատախազ Սամվել Հարությունյանը չառարկեց, ասելով, որ եթե իրոք էական նշանակություն ունի վկայի ցուցմունքը, ապա ինքը կողմ է միջնորդության բավարարմանը:
Երբ Հովակիմյանը ինքնավնասեց իրեն, այդ պահին վատացավ նաեւ դահլիճում գտնվող Վահրամի մորաքույրը, որին նույնպես անհրաժեշտ եղավ օգնել:
Կարդացեք նաև
Ռուզան ՄԻՆԱՍՅԱՆ
