Լոնդոնի օլիմպիական խաղերի կազմկոմիտեն չի դադարում զարմացնել իր ընդունած տարօրինակ որոշումներով:
Բառացիորեն մի քանի օր առաջ ԶԼՄ-ներն ահազանգեցին, որ մերժվել է Բելառուսի նախագահ Ալեքսանդր Լուկաշենկոյի, որը նաեւ ազգային օլիմպիական կոմիտեի նախագահն է, հավատարմագրումը: Լրատվամիջոցներն այդ առիթով մտահոգվել էին նաեւ, որ հնարավոր է՝ ի պատասխան դրա, Բելառուսի մարզիկները բոյկոտեն օլիմպիական խաղերը:
Հիմա էլ տարօրինակ փոփոխություն է կատարվել լողափնյա վոլեյբոլի կանոններում, համաձայն որի ավանդական լողազգեստներին փոխարինում են կիսավարտիքներն կիսաշապիկները: Շատ մասնագետների համոզմամբ, այս նորարարությունը ուղղակիորեն վտանգում է մարզաձեւին: Առավել եւս, որ բաց մարզահագուստը գործնական նշանակություն ունի մարզիկների համար: Նրանք խաղում են արեւի տակ, շոգին ու նրանց մկանները առավելագույնս պետք է ազատ լինեն, զերծ՝ ջերմության ավելորդ ազդեցությունից:
Աշոտ ՀԱԿՈԲՅԱՆ
