Լուսանկարը՝ Արման Վեզիրյանի
Դերասան Աշոտ Ադամյանը 2-6 տարվա ազատազրկման դատապարտված ՀԱԿ ակտիվիստների դատավարությունը համարեց անօրինական: Այսօր դատախազության շենքի առջեւ ի պաշտպանություն ակտիվիստների ցույցի ժամանակ պարոն Ադամյանն ասաց, որ սպասում էր դաժան դատավճռի. «Դատը լինելու էր այսքան դաժան, որովհետեւ ինքնին մեքենան դաժան է, որովհետեւ նա, ով գործում է հանցագործություն, հանկարծ դատարանում հանդես է գալիս որպես մեղադրող կողմ ու առանց որեւէ ապացույցների՝ ստիպում է դատավճիռ կայացնել ինչ-որ արդար մարդկանց հանդեպ»:
Նրա խոսքերով, տղաներին ազատություն պետք է տան, որովհետեւ Հայաստանի ազատ լինելու միակ գրավականը արդարադատությունն է:
Արփինե ՍԻՄՈՆՅԱՆ
