Իրաքում երկուշաբթի օրն իրականացրած կատաղի հարձակումների ալիքը դարձել է առնվազն 91 զոհի և 172 մարդու վնասվածքներ ստանալու պատճառը:
Հրաձգությունների և ռմբակոծությունների ալիքն Իրաքում սկսվել է այն բանից հետո, երբ մի քանի օր առաջ երկրում գործող «ալ-Քաիդա»-ի մասնաճյուղի ղեկավարը զգուշացրել է, որ խմբավորումն ակտիվացնելու է գործողությունները ԱՄՆ-ի զինծառայողների կողմից լքված տարածքներում:
Այս մասին հաղորդագրությունը, որտեղ նշվել է «գործողությունների նոր փուլ մեկնարկելու» մասին, հրապարակվել է ջիհադիստների կայքում շաբաթ օրը՝ ենթադրաբար Իրաքում «ալ-Քաիդա»-ի խմբավորման ղեկավարի կողմից:
Աբու Բաքր ալ-Բաղդադիի ձայնային հաղորդագրության մեջ վերջինս ասել է, որ «Իրաքի իսլամական պետությունը» նախատեսում է հարձակումներ գործել դատարանների պաշտոնյաների վրա և ազատ արձակել բանտարկյալներին:
Կարդացեք նաև
«Իրաքում սունիների մեծամասնությունը սատարում է «ալ-Քաիդա»-ին և սպասում նրա վերադարձի», – ասված է հաղորդագրության մեջ:
Այս խմբավորումը հունիս ամսին պատասխանատվություն է ստանձնել պայթուցիկով բեռնված մեքենաների միջոցով իրականացված ռմբակոծությունների ալիքի համար, որը դարձել է 72 զոհի պատճառը: Այս հարձակման պատճառով վնասվածքներ էր ստացել 260 մարդ:
«Ամերիկայի ձայն» ռադիոկայան
