Կենտրոն և Նորք-Մարաշ վարչական շրջանների ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, այսօր դռնփակ ընթացակարգով լսեց «Սիվիլիթաս» հիմնադրամի հիմնադիր Վարդան Օսկանյանի ներկայացուցիչ, ՀՀ փաստաբանների պալատի անդամ Տիգրան Աթանեսյանի բողոքը: Աթանեսյանը պահանջում էր վերացնել ՀՀ կառավարությանն առընթեր ԱԱԾ քննչական վարչության պետի տեղակալ, փոխգնդապետ Միքայել Համբարձումյանի կայացրած մայիսի 25-ի՝ քրեական գործ հարուցելու մասին որոշումը, կարճել այդ գործը հանցադեպի եւ հանցակազմի բացակայության հիմքով: Ի դեպ, Aravot.am-ին մինչ նիստերի դահլիճ մտնելը Տ. Աթանեսյանն ասաց, որ ԱԱԾ քննչական վարչության պետի տեղակալն իր կարգավիճակով իրավունք չուներ քրգործ հարուցելու:
Ժամը 11.30-ին դատարանը կհրապարակի իր որոշումը:
Հենց նոր դատական նիստերի դահլիճից դուրս եկան Օսկանյանի ներկայացուցիչ Տիգան Աթանեսյանը, ԱԱԾ քննիչը եւ ԱԱԾ գործերով վերահսկող դատախազ Հովսեփ Սարգսյանը:
Ռուզան ՄԻՆԱՍՅԱՆ
