Միջազգային օլիմպիական կոմիտեի (ՄՕԿ) նախագահ Ժակ Ռոգեն դեմ է արտահայտվել ԱՄՆ-ի, Իսրայելի եւ Գերմանիայի քաղաքական գործիչների նախաձեռնությանը, որով նրանք առաջարկում են Լոնդոնում ամառային 30-րդ օլիմպիական խաղերի բացման ժամանակ մեկ րոպե լռությամբ հիշել քառասուն տարի առաջ՝ 1972 թվականին, Մյունխենի օլիմպիական խաղերում տեղի ունեցած ահաբեկչությունը: Այս մասին տեղեկացնում է AFP գործակալությունը: «Մենք գտնում ենք, որ օլիմպիական խաղերի բացման մթնոլորտն այնքան էլ հարմար չէ, որպեսզի հիշվի այդ աստիճանի ողբերգության պահը», – հայտարարել է Ռոգեն:
1972 թվականի սեպտեմբերի 5-ին Մյունխենում ընթացող օլիմպիական խաղերում պաղեստինցիների իրականացրած ահաբեկչության զոհ դարձել են Իսրայելի մարզական պատվիրակության 11 անդամներ եւ գերմանացի մի ոստիկան:
Աշոտ ՀԱԿՈԲՅԱՆ
