Մեր աղբյուրների փոխանցմամբ, այսօր սեփական դիմումի համաձայն կարգալույծ է արվել Շիրակի հոգևոր թեմի երկարամյա քահանաներից մեկը` Արշեն Սարգսյանը, ով հայտնի է որպես Տեր Արսեն անվամբ: Նա մոտ 30 տարվա հոգևորական է, ով ծառայում էր Գյումրու Անի թաղամասի Սուրբ Հակոբ Մծբնեցի եկեղեցում:
Մեզ այսօր չհաջողվեց պարզաբանումներ ստանալ քահանայից, հեռախոսն անհասանելի էր, պաշտոնական որևէ մեկնաբանություն ստանալ ևս չհաջողվեց , սակայն տարօրինակ է, որ երկար տարիների հոգևորականը դիմում է ներկայացնում` հրաժարվելով ժողովրդին ծառայելուց:
Մեր աղբյուրների ասելով, Տեր Արսենը Շիրակի հոգևոր թեմի երկրորդ քահանան է, ով կարգալույծ է լինում, մոտ մեկ ամիս առաջ կարգալույծ էին արել Հառիճի նախկին վանահորը` Սմբատ աբեղային, ով վերջին տարիներին պաշտոնավարում էր Վարդան Ղուկասյանի ու նրա եղբայրների կողմից վերակառուցված Սուրբ Նշան եկեղեցում:
Նունե ԱՐԵՎՇԱՏՅԱՆ
