Այս մասին Aravot.am-ին տեղեկացրեց ՀՀԿ Շիրակի մարզային կառույցի նորընտիր ղեկավար, Շիրակի մարզպետարանի կրթության վարչության պետ Սահակ Մինասյանը: «Այսօր Գյումրիում տեղի ունեցած ՀՀԿ-ի խորհրդի նիստի ժամանակ քննարկվել է Վարդան Ղուկասյանի հրաժարականի դիմումը: Քաղխորհրդի անդամները ընդունել են նրա դիմումը, կատարել են խորհրդի նոր նախագահի ընտրություն, բայց օրակարգում Գյումրու քաղաքապետի թեկնածու առաջադրելու կամ սատարելու հարց չի քննարկվել»,- ասաց Սահակ Մինասյանը: Տեղեկացնենք, որ մարզպետարանի այս պաշտոնյան այսօր ՀՀԿ-ի խորհրդի` մոտ 30 հոգուց բաղկացած անդամների կողմից միաձայն ընտրվել է իշխող կուսակցության Շիրակի մարզային կառույցի պատասխանատու: Պաշտոնապես ո՞ւմ կսատարի ՀՀԿ-ն Գյումրու քաղաքապետի պաշտոնի համար, դեռ պարզ չէ, թեև ակնհայտ է , որ ՀՀԿ-ի թեկնածուն Գյումրիում ԲՀԿ-ական Սամվել Բալասանյանն է:
Նունե ԱՐԵՎՇԱՏՅԱՆ
