Պաղպաղակի շուկան Սննդի անվտանգության պետական ծառայությունը մոնիտորինգի է ենթարկելու։
«Պաղպաղակը կենդանական հումք ունի և ռիսկային սննդամթերք է, քանի որ այն պատրաստելիս ջերմային մշակման չի ենթարկվում։ Իսկ պաղպաղակի պատրաստման ժամանակ ցանկացած թերացում, խախտում մարդկանց առողջական լուրջ խնդիրների պատճառ կարող է դառնալ»,- «Ա1+»-ի հետ զրույցում նշեց ՍԱՊԾ տեղեկատվության եւ հասարակայնության հետ կապերի բաժնի պետ Բաբկեն Պիպոյանը։ Խոսքը մասնավորապես լցնովի պաղպակների մասին է։
Նա նշեց, որ պաղպաղակի շուկայում մոնիտորինգը նախատեսվում էր անցկացնել դեռևս հունիսին, սակայն ստուգումները հետաձգվել են, քանի որ այդ ժամանակահատվածում պաղպաղակ ավելի քիչ էր վաճառվում, քան այս օրերին։
Պաղպաղակի շուկայում նախորդ տարիներին մեծամասշտաբ ուսումնասիրություններ չեն իրականացվել։ Ուսումնասիրվել են լցնովի պաղպաղակի վաճառման մի քանի կետեր. «Պարզվեց, որ պաղպաղակները պատրաստվում են տան պայմաններում և չեն պահպանվել դրանց պատրաստնամ տարրական պայմանները»,- ասաց Բաբկեն Պիպոյանը։
Կարդացեք նաև
Այս շուկայի մոնիտորինգը ներառելու է միայն մայրաքաղաքը։ Երևանում անցկացված ուսումնասիրություններից հետո նոր միայն հնարավոր է, որ ՍԱՊԾ-ն մոնիտորինգ անցկացնի նաև մարզերում։
Մանրամասն՝ կարդացեք այստեղ
