«Ուզբեկստանի՝ Հավաքական անվտանգության մասին պայմանագրի կազմակերպությունից (ՀԱՊԿ) դուրս գալը Հայաստանին մտածելու տեղիք է տալիս»,- այս կարծիքին է քաղաքագետ Ստեփան Գրիգորյանը, ըստ որի՝ սա մարտահրավեր է. « Պետք է հասկանալ, որ ՀԱՊԿ-ը չի կարող 100 տոկոսով ապահովել մեր անվտանգությունը: ՀԱՊԿ-ը Ուզբեկստանի հետ միասին էլ չէր կարող ապահովել մեր անվտանգությունը: Այժմ կտրուկ քայլեր պետք չէ անել, պետք չէ դուրս գալ ՀԱՊԿ-ից: Բայց ՀԱՊԿ-ն այժմ խնդիրներ ունի, հիմքը շատ թույլ է»,- նշեց Գրիգորյանը:
Քաղաքագետը Aravot.am-ի հետ զրույցում ասաց, որ չի համարում, որ Հայաստանը եւս պետք է ՀԱՊԿ-ից դուրս գալու որոշում կայացնի, սակայն փոխարենը՝ «Պետք է հետեւի ու ակտիվ համագործակցի ՆԱՏՕ-ի հետ ու գոնե մոտ ապագայում անդամակցության խնդիր չդնի: Ինչո՞ւ, որովհետեւ այնտեղ են բոլոր ժամանակակից տեխնոլոգիաները, ռազմական տեխնիկան…»:
Հավելենք, որ Ուզբեկստանի` կառույցը լքելուց հետո, կազմակերպությունը կունենա 6 անդամ երկիր` Հայաստան, Բելառուս, Ղազախստան, Ղրղըզստան, Ռուսաստան ու Տաջիկստան: Նաեւ նշենք, որ Ուզբեկստանն արդեն մեկ անգամ` 1999 թվականին լքել է կառույցը, իսկ 2006 թվականին, կրկին վերականգնել է անդամակցությունը:
Եվա ՀԱԿՈԲՅԱՆ
Կարդացեք նաև
