Այսօր հրավիրած ասուլիսում ոստիկանության շտաբի պետ Վարդան Եղիազարյանը նշեց, որ 905 դեպքով նվազել են հանցագործությունները՝ նախորդ տարվա նույն ժամանակահատվածի հետ համեմատ: Անդրադառնալով հանրապետության հրապարակի փուչիկների գործի վերաբերյալ հարցին՝ այն, որ ոստիկանությունը մեղադրանք առաջադրեց կոնկրետ անձի, արդյոք հարցաքննվե՞լ են կազմակերպիչներ, թե՞ միայն այդ մարդն էր ամբողջ խնդիրը՝ ՀՀ ոստիկանապետի տեղակալ, Քննչական գլխավոր վարչության պետ Գագիկ Համբարձումյանը պատասխանեց. «Առաջադրվել է մեղադրանք՝ այդ փուչիկները լիցքավորողների համար: Կազմակերպչի անվան տակ պետք է երեւի հասկանանք փուչիկները լիցքավորողներին, մենք գործը, ինչպես մյուս քրգործերը, լիարժեք բոլոր ասպեկտներով եւ բոլոր վարկածներով նայել ենք: Սկզբում քրգործը հարուցվել էր պայթյունավտանգ նյութերի օգտագործման հիմքերով: Պարզվեց, որ նման իրադրության մեջ այդ կանոնները գոյություն չունենալու պատճառով այլ հոդված պետք է առաջադրվեր՝ սպառողների կյանքին վտանգ սպառնացող ապրանքների վաճառքի համար: Պայմանագիր չի կնքվել, եղել է պատվեր»:
Թե ովքեր են պատվիրատուները՝ նա ասաց, որ համբերություն ունենանք, որ քրգործը մոտ ժամանակներս կավարտվի: Հարցին՝ այդ մարդուն պատվիրել են հելիումո՞վ լիցքավորել, թե՞ մեթանով՝ նա պատասխանեց, որ պատվիրվել է միայն լիցքավորել:
Արդյոք ՀՀԿ-ական հաճախորդները չեն պարզել՝ ինչ ռիսկ է պարունակում 7000 փուչիկը, թե՞ առաջնորդվել են հաճախորդը միշտ ճիշտ է սկզբունքով՝ պարոն Համբարձումյանը պատասխանեց. «Այդ պայթյունավտանգ կանոնները տարածվում են միայն արտադրության մեջ՝ մեքենաների լիցքավորման պարագայում: Այս դեպքում ոչ պատվեր տվողին, ոչ գնողին մեղադրանք չի առաջադրվել»: Դիտարկումը, որ պատվեր տվողը փորձել է խնայողություն անել՝ նա հերքեց:
Կարդացեք նաև
Հռիփսիմե ՋԵԲԵՋՅԱՆ
