Կենտրոն եւ Նորք-Մարաշ վարչական շրջանների ընդհանուր իրավասության դատարանը, Գագիկ Պողոսյանի նախագահությամբ, 4 տարվա ազատազրկման էր դատապարտել Սպարտակ Ակոջյանին: Վերջինը, ինչպես լուսաբանելով դատական նիստերը, տեղեկացրել ենք, Վրաստանից իր հետ Հայաստան էր բերել «Արմյանսկի Վեստնիկ» 10 հատ գրքույկներ, որը, ըստ մեղադրանքը պաշտպանող Արամ Ամիրզադյանի, վաճառել էր «Վենիսաժում», ապրիլի 23-ին, դրանով իսկ վիրավորել էր հայ ժողովրդի ազգային զգացումները, քանի որ այնտեղ խոսք էր գնացել նաեւ հարեւան պետության դեմ մեր «տեռորի» մասին էլ:
Այսօր Գագիկ Ավետիսյանի նախագահությամբ ՀՀ քրեական գործերով վերաքննիչ դատարանը Ս. Ակոջյանին անմեղ ճանաչեց՝ հանցակազմի բացակայության հիմքով, գործի վարույթը կարճվեց եւ նա ազատ արձակվեց հենց դատարանի դահլիճից: Ակոջյանի պաշտպանն էր ՀՀ փաստաբանների պալատի անդամ Էդիկ Չինարյանը:
Կարդացեք նաև
