երջերս հայկական փուչիկները մեծ պահանջարկ են վայելում մերձավոր արևելքում
Սեւ կամ սպիտակ ձեռնոցներ, երկարաթեւ հագուստներ. երիտասարդներից շատերը ստիպված են նույնիսկ ամռան այս տապին ծածկել իրենց այրված ձեռքերն ու թեւերը:
Այրվածքներն ամբողջությամբ անցնելու համար, նրանք դեռ մեկ տարի պետք է կրեն երկարաթեւ հագուստներ ու ձեռնոցներ:
20-ամյա Աննա Գեւորգյանը, ով ստացել էր դեմքի առաջին աստիճանի եւ ձեռքերի երրորդ աստիճանի այրվածքներ, 15 օր գտնվել է հիվանդանոցում:
«Շատ դժվար է մոռանալ այդ բոցը, որ միանգամից բռնկվեց ու տարածվեց: Երիտասարդները մեկը մյուսին էին փոխանցում փուչիկները, ես էլ էի բռնել»,- պատմում է Գեւորգյանը:
Կարդացեք նաև
Նրա դեմքի այրվածքներն ամբողջությամբ վերականգնվել են, իսկ ձեռքերինը՝ ոչ. «Մեկ տարի դեռ պետք է, որ ձեռքերս նորից առաջվանը լինեն»:
«Ծնողներիս վիճակը սարսափելի էր, նրանք մեզնից շատ են տանջվել, բայց հիմա ամեն ինչ անցյալում է, բոլորս էլ շարունակում ենք ապրել ինչպես առաջ՝ թեեւ այդ դեպքը բոլորիս կյանքում շատ բան փոխեց»,- ասում է Աննան:
24-ամյա Գոհար Մամիկոնյանը, ով նույնպես ստացել է այրվածքներ ձեռքի եւ գոտկատեղի հատվածում, հիվանդանոցում չի պառկել:
«Ծնողներս մեղադրում էին կազմակերպիչներին ու շատ բացասական էին վերաբերվում: Պայթյունը շատ հանկարծակի եղավ, ինձ փուչիկներից տվել էին կազմակերպիչները,- ասում է Գոհարը,-«Բարեբախտաբար հիմա ամեն ինչ լավ է, ձեռքի այրվածքները գրեթե անցել են, մեջքի վրա սպիներ կան»:
Այրվածքներ ստացած երիտասարդներից 25-ամյա Նարեկ Բաղդասարյանը նույնպես նշում է, որ, ըստ բժիշկների հավաստման, մեկ տարուց ամբողջությամբ կանցնեն այրվածքները: Նա ստացել է 2-րդ, 3-րդ եւ 4-րդ կարգի այրվածքներ:
«19 օր հիվանդանոցում եմ պառկել, հետո ստացել եմ ամբուլատոր բուժում: Մնացել են սպիները»,-նշում է Նարեկը, ով դեռ աշխատանքի է գնում երկարաթեւ վերնաշապիկներով ու կրում է ձեռնոցներ:
Մանրամասն՝ կարդացեք այստեղ
