ՀՀ Սահմանադրական դատարանում առաջիկայում նիստեր տեղի չեն ունենա: Ամառային հանգստից հետո առաջին նիստը նախատեսված է սեպտեմբերի 4-ին: Այդ օրը ՍԴ-ն գրավոր ընթացակարգով քննության կառնի անհատական դիմումի հիման վրա գործը. քաղաքացի Գրիգոր Վահանյանը վիճարկում է ՀՀ քաղաքացիական դատավարության օրենսգրքի 204.32-րդ հոդվածի 1-ին կետի սահմանադրականության հարցը:
Ըստ ՍԴ-ի պաշտոնական կայքէջում հուլիսի 18-ի դրությամբ տեղադրված ՀՀ սահմանադրական դատարանի նիստերի ժամանակացույցի, սեպտեմբեր-հոկտեմբեր ամիսներին ՍԴ-ն քննության կառնի մի շարք այլ անհատական դիմումներ, միջազգային պայմանագրեր, ինչպես նաև Մարդու իրավունքների պաշտպանի երկու դիմումներ:
Մասնավորապես, սեպտեմբերի 25-ին նախատեսված է ՄԻՊ-ի դիմումի հիման վրա` «Պետական կենսաթոշակների մասին» ՀՀ օրենքի, իսկ հոկտեմբերի 9-ին` «Ֆինանսական համակարգի հաշտարարի մասին» ՀՀ օրենքի որոշ դրույթների` Սահմանադրությանը համապատասխանության հարցը որոշելու վերաբերյալ գործերի քննությունը:
«Փաստինֆո» լրատվական գործակալություն
Կարդացեք նաև
