Հատված երգչուհի Ջուսի հետ հարցազրույցից:
– Ջուս, վերջերս եթերում հարցում էին անցկացրել, որտեղ մեր համաքաղաքացիների շրջանում դու ունեիր 85 տոկոս ճանաչվածություն, իսկ Մեսրոպ Մաշտոցը՝ 82 տոկոս։ Ո՞նց ես նայում այս փաստին։
– Հըմ… շատ վատ… ճիշտն ասած՝ չէի սպասում, որ ես առաջին տեղը կլինեմ, Մաշտոցը՝ 2-րդ տեղը, դա նույնիսկ ծիծաղալու է… վերջն ա, բայց տարօրինակ ա, որ իրեն չեն ճանաչել, այն էլ էդքան հայտնի նկարով, հիմա շատերը կողքից սկսեցին ասել, որ ես եմ մեղավոր, բայց ես ի՞նչ կապ ունեմ։
– Դե, ամեն դեպքում, քեզ ավելի շատ են ցույց տալիս…
– Հիմա էլ են ցույց տալիս, բայց ինձ թվում ա՝ դա կապ չունի, օրինակ, եթե իտալացիներին ցույց տային Լեոնարդո Դա Վինչիի ու Բեոնսեի նկարները, իրանք ավելի շատ Բեոնսեին կճանաչեն։
– Այսինքն, բոլոր դեպքերում դա շոյում է քո փառասիրությունը։
– Որ ինձ լա՞վ եմ զգում առաջին տեղում։
– Այո։
– Չէ հա… ես հո գիտեմ, որ ճանաչված եմ ու ռեյտինգ էլ ունեմ, բայց չի կարելի համեմատել Մեսրոպ Մաշտոցին Ջուսի հետ…. հետո պատկերացրեք՝ քանի դար ա անցել Մաշտոցից, ու նա 2-րդ տեղն ա, ուրեմն ինքը վերջն ա…, էդքան դարեր անց ինձ չեն ճանաչի, թե ով եմ, բայց ինքը մեկ ա՝ հաղթեց։ Ես էլ կերազեի էդքան դարեր անց երկրորդ տեղը լինեի ճանաչվածության առումով։
Անի ԱՌԱՔԵԼՅԱՆ
«Հրապարակ»
