«Շահումով խաղերի և խաղատների մասին» ՀՀ օրենքի գլուխ 2-ի ժ) կետում նշված է, որ «Խաղատուն կամ շահումով խաղ կարող է կազմակերպվել քաղաքային համայնքների վարչական սահմաններից դուրս»: Ինչու՞ օրենքը շահումով խաղերի, խաղատների գործունեություն կազմակերպելու հարցում չի անդրադառնում նաև գյուղական համայնքների վարչական սահմանների խնդրին և ի՞նչ իրավական կարգավորման մեխանիզմներ են գործում գյուղական համայնքներում խաղատների տեղակայման հարցում:
Ի պատասխան «Փաստինֆո» լրատվական գործակալության այդ հարցերի` ՀՀ ֆինանսների նախարարության տեղեկատվության և հասարակայնության հետ կապերի բաժինը պարզաբանել է.
«Համաձայն «Շահումով խաղերի և խաղատների մասին» ՀՀ օրենքի 6-րդ հոդվածի 3-րդ մասի՝ խաղատուն կամ շահումով խաղ կարող է կազմակերպվել քաղաքային համայնքների վարչական սահմաններից դուրս»:
«Շահումով խաղերի և խաղատների մասին» ՀՀ օրենքում (18.05.2011թ. ՀՕ-54-Ն` այսուհետ` Օրենք) կատարված փոփոխությունները, որոնք ուժի մեջ են մտնում 2013 թ. հունվարի 1-ից, կարգավորում են նաև Ձեր կողմից բարձրացված հարցերը:
Կարդացեք նաև
-Համաձայն Օրենքի 3-րդ հոդվածի՝ խաղատուն կամ շահումով խաղ կամ անմիջականորեն (խաղասրահի միջոցով) ինտերնետ շահումով խաղ կարող է կազմակերպվել`
ա) Կոտայքի մարզի Ծաղկաձոր, Վայոց ձորի մարզի Ջերմուկ, Գեղարքունիքի մարզի Սևան համայնքների վարչական սահմաններում` կրթական և պատմամշակութային օջախներից, պետական հիմնարկներից, հիվանդանոցներից Հայաստանի Հանրապետության կառավարության սահմանած հեռավորությամբ և չափանիշներին համապատասխան տարածքներում.
բ) Երևանի «Զվարթնոց» օդանավակայանի և «Երևան» ազատ տնտեսական գոտու տարածքներում.
գ) Հայաստանի Հանրապետության կառավարության կողմից հավանության արժանացած 40 միլիարդ դրամից ավելի ներդրումային ծրագրի դեպքում` Երևան քաղաքից դուրս գտնվող Հայաստանի Հանրապետության կառավարության սահմանած վայրերում և չափանիշներին համապատասխան»:
«Փաստինֆո» լրատվական գործակալություն
