Քաղաքագետ Սերգեյ Շաքարյանցի համոզմամբ, բոլորն արդեն գիտակցում են, որ Ղարաբաղը Ադրբեջանի կազմ վերադարձնելն այլեւս հնարավոր չէ: «Որեւէ մեկը երբեւէ արտահայտվե՞լ է, որ ԼՂՀ-ում ընտրությունների անցկացումը վատ է կամ ինչ-որ մեկը քննադատե՞լ է ընտրությունները, պնդելով, թե դրանք խոչընդոտում են բանակցային գւործընթացին, հակառակը՝ ողջունում են»,- այսօր «Փաստարկ» ակումբում ասաց քաղաքագետը: Նրա խոսքերով՝ նիստի եռանախագահող պետություններից միայն մեկն է խոչընդոտում ԼՂՀ անկախության ճանաչմանը:
Պարոն Շաքարյանցի հոմոզմամբ, միայն ԱՄՆ-ին ձեռք չի տալիս, որովհետեւ հաշվի է առնվում հայ-թուրքական հարաբերությունները, Իրանի հարցը եւ Թուրքիայի դերը տարածաշրջանում: Քաղաքագետն այն կարծիքին է, որ ղարաբաղցին թքած ունի՝ ով ճանաչում ու ով չի ճանաչում ընտրությունները. «ԼՂՀ-ն որպես պետություն իրավունք չունի մեկ օր առանց իշխանության մնալ: ԼՂՀ-ում միշտ գործել է ու կգործի օրինական եւ բնակչության կողմից վստահություն վայելող իշխանությունը»:
Նա նաեւ ավելացրեց, որ ԼՂՀ ընտրությունների անխափան անցկացումը նշանակում է, որ մեր երկրորդ հանրապետությունը ամրապնդում է իր դիրքերը միջազգային ասպարեզում: Պարոն Շաքարյանցը նաեւ վստահեցրեց, որ Արցախի նախագահին ընտրում է ոչ թե Հայաստանը, այլ արցախցին:
Արփինե ՍԻՄՈՆՅԱՆ
