Կենտրոն եւ Նորք-Մարաշ վարչական շրջանների ընդհանուր իրավասության դատարանը, դատավոր Մխիթար Պապոյանի նախագահությամբ, շարունակում է «Մոսկվա» կինոթատրոնից 2010թ. 5 միլիոնի գողության փաստով մեղադրվող Ստեփան Հովակիմյանի եւ Վահրամ Քերոբյանի դեմ հարուցված քրեական գործի դատաքննությունը: Այսօր դատարանը տուժող ճանաչված կինոթատրոնի տնօրինությունից ստացավ փաստաթղթեր: Մասնավորապես, «տոմսերի վաճառքի վրիպումներից խուսափելու համար» նոր համակարգի ներդրման համար սերվերի կիրառման, գանձապահների մոնիտորները փոխելու, 2010 թ.ապրիլի 1-ի կարգադրությունը համակարգչային ծրագրի ներդրման համար հանձնաժողով ստեղծելու մասին փաստաթղթերը եւ հանձնաժողովի կողմից կայացրած ակտը: Ըստ այդ ակտի` կինոթատրոնի գլխավոր համակարգիչը դուրս է գրվել շահագործումից եւ հանձնվել համակարգչային խաղերի սրահ:
Պաշտպաններից Լուսինե Սահակյանին չհամոզեցին այս փաստաթղթերը, քանի որ նրա կարծիքով՝ «համակարգչի դուրս գրելը» դեռ չէր նշանակում, թե համակարգչի ճակատագիրը պարզվեց: Նա հանդես եկավ հայտարարությամբ, ասելով. «Ի՞նչ եղան համակարգիչները, քանդվեցի՞ն, որպես աթո՞ռ ծառայեցին ինչ-որ մեկի համար, աղբը նետվե՞ց: Ոչ մեկն իրավունք չունի ասել, թե դուրս է գրել: Նույնիսկ, եթե հարկային ստուգում լինի, հարցը կրկին բարձրացվելու է»:
ՀՀ փաստաբանների պալատի անդամը միջնորդեց, որպեսզի դատարանը հացաքննի տւժող ճանաչված կինոթատրոնի տնօրենին, որը դատարանում էր: Կարճ հարցաքննության ժամանակ տնօրենն ասաց, որ համակարգիչը տրվել է 2 աշխատակիցներին, որոնք որպես պահեստամաս օգտագործել են այն:
Թե ինչո՞ւ է «գլխավոր համակարգիչը» դիտվում գլխավոր ապացույց, հավանաբար պարզ դառնա հաջորդ նիստին:
Կարդացեք նաև
Դատարանը բավարարեց այդ աշխատակիցներին դատակոչելու մասին պաշտպանական կողմի միջնորդությունը:
Վաղը կշարունակվի դատաքննությունը:
Ռուզան ՄԻՆԱՍՅԱՆ
