Ամերիկացի օրենսդիրները HSBC բանկին մեղադրում են թմրադիլերներին եւ ահաբեկիչներին Միացյալ Նահանգների բանկեր միլիարդավոր դոլարներ փոխանցելու հնարավորություն տալու մեջ։
ԱՄՆ-ի Սենատի հետաքննական կոմիտեի հրապարակած նոր զեկույցում մատնանշված է HSBC-ում տիրող «համատարած» անփութությունը խարդախության եւ փողերի լվացման փաստերի կանխման հարցում։
Ըստ զեկույցի, մասնավորապես, բանկի Մեքսիկայի մասնաճյուղը միայն մեկ տարվա ընթացքում Միացյալ Նահանգներ է տեղափոխել 7 միլիարդ դոլար կանխիկ գումար, ինչը կասկածներ է հարուցում, որ բանկում լվացվում են թմրամիջոցների ապօրինի շրջանառությունից գոյացած փողերը։
Նույն զեկույցի համաձայն` HSBC-ի Սաուդյան Արաբիայի եւ Բանգլադեշի մասնաճյուղերը, իրենց հերթին, առնչություն ունեն ահաբեկչության ֆինանսավորմանը։
HSBC-ն իր հայտարարությունում խոստացել է վերացնել մատնանշված թերությունները։
Ազատություն» ռադիոկայան
