Հայաստանի պետական տնտեսագիտական համալսարանում օրեր առաջ, առանց գիտխորհրդի քննարկման, կառավարման խորհրդին ներկայացվեց մի քանի ամբիոնների փակման մասին հարցը:
Մասնավորապես, խոսք գնաց, եւ արդեն փակվել է 3 ամբիոն:
Նշված բուհում կատարվածը դիտվեց որպես անցանկալիներից ազատվելու քայլ, մի մասն էլ սա դիտեց հանրապետական ռեկտորի հերթական գլուխկոտրուկը, այլ կուսակցությունների անդամ բուհական մտավորականությանը «տեղ» տալու համար:
2011թ.-ից բուհի ռեկտորի պաշտոնակատար նշանակվեց Կորյուն Աթոյանը:
Կարդացեք նաև
Հանրապետական ռեկտորը մի քանի ուշագրավ «ծրագրեր» իրականացրեց, ինչը դասախոսական անձնակազմի կողմից անհասկանալի է: Մասնավորապես, նրա օրոք պրոռեկտոր դարձավ իր ուսանողական ընկերը՝ Գագիկ Վարդանյանը, որի աշխատավարձը, ըստ մեր աղբյուրի, 800 000 ՀՀ դրամ է: Աշխատակազմի ղեկավարի պաշտոնին նա նշանակեց իր համերկրացուն՝ Լավրենտի Միրզոյանին, իսկ դեկան վերջերս դարձավ դաշնակցական Զաքար Կիրակոսյանը:
Ասում են, որ հանրապետական ռեկտորը մտադիր է եւ անգամ բարեխոսել է բուհի կառավարման խորհրդի նախագահ Հովիկ Աբրահամյանի մոտ, որպեսզի ամբիոնի վարիչ դառնա ՀԱԿ ակտիվիստ Զոյա Թադեւոսյանը:
Կորյուն Աթոյանի օրոք աշխատանքի են անցել հարսը, նրա բարեկամները, տավուշցի իր ծանոթները:
Գ. ՍԱՐԳՍՅԱՆ
«Առավոտ» օրաթերթ
