«Նման բաների պատճառով հասարակության մի հատվածի մոտ ապատիա է առաջանում, որը շատ արագ տարածվում է՝ թուլացնելով ընդդիմադիր դաշտը: Ցավոք, ընդդիմության նկատմամբ հասարակության ապատիան կամ մերժողական վերաբերմունքը դրսեւորվեց խորհրդարանական ընտրությունների ժամանակ, ինչը մեզ բացարձակ չի կարող ուրախացնել: Պարզապես, դա նաեւ ինչ-որ առումով բնական գործընթաց է, քանի որ այն, ինչի համար ստեղծվել էր ՀԱԿ-ը, իրենք հեռացել են դրանից: Բնական է, որ որոշ քաղաքական ուժեր կամ անձինք հետեւելով իրենց սկզբունքներին՝ դուրս են գալիս: Չեմ ուզում ասել, որ այն, ինչը տեղի է ունենում, իրենք արժանի են կամ լավ է, որ այդպես է լինում: Ոչ: Հիմա խնդիրն այն է, որ ընդդիմադիր դաշտը պետք է շատ արագ վերակառուցվի»,- «Առավոտի» հարցին՝ զուտ քաղաքական մրցակցության առումով «Ժառանգությանը» ուրախացնո՞ւմ է այն, ինչը տեղի է ունենում ՀԱԿ-ում, ասաց Արմեն Մարտիրոսյանը:
«Առավոտ» օրաթերթ
