Հատված Քաղաքագետների միության նախագահ Հմայակ Հովհաննիսյանի հարցազրույցից:
– Վերջին ամիսներին ԲՀԿ-ի կիսաընդդիմադիր վիճակը հաշվի առնելով, որքանո՞վ է հավանական, որ նա կսատարի միասնական թեկնածուի։ Եթե անգամ այդպես լինի, ո՞վ կարող է լինել այդ թեկնածուն։
– Եթե հաշվի առնենք, որ այս երեք ուժերի միջեւ գաղափարական-քաղաքական ընդհանրություններ չկան՝ խոսքը գնում է պլուտոկրատիային դատափետող Դաշնակցության, պլուտոկրատիայի շահերը Հայաստանում ներկայացնող ԲՀԿ-ի, մյուս կողմից՝ լիբերալ իր հիմնական դեմքերով ՀԱԿ-ի եւ Սոցինտերնի անդամ հանդիսացող Դաշնակցության մասին, սրանց միջեւ գաղափարական ընդհանրություններ չկան, եւ այս պայմաններում միասնական թեկնածու կարող է լինել առավելագույնս ապագաղափարացված եւ ապաքաղաքական դեմքը։ Գաղափարական ի՞նչ ընդհանրություն կարող է լինել ՀՅԴ-ի եւ ԲՀԿ-ի միջեւ, այսինքն՝ օլիգարխիկ նպատակադրությամբ կուսակցության եւ սոցիալիստական կուսակցության, որն անխնա քննադատում է անցումային շրջանի ավերածությունների եւ դժբախտությունների պայմաններում սրընթաց հարստացած պլուտոկրատիային։ ՀԱԿ-ի եւ ՀՅԴ-ի միջեւ եւս կան խորը եւ անհաղթահարելի տարաձայնություններ, կնշանակի՝ միայն ապաքաղաքական եւ ապագաղափարական ֆիգուրի առաջքաշումը կարող է ստվերել գաղափարական-քաղաքական այս հակասությունները։ Ո՞վ է այդ թեկնածուն։ Հաստատ ոչ Լեւոն Տեր-Պետրոսյանը կամ Ռոբերտ Քոչարյանը, Վահան Հովհաննիսյանը, Վարդան Օսկանյանը, ոչ էլ Րաֆֆի Հովհաննիսյանը (վերջինի տարբերակը զուտ տեսականորեն եմ դիտարկում, թեպետ «Ժառանգությունը» չի բացառում այդ հնարավորությունը): Մյուս կողմից իսպառ բացառվում է Լեւոն Տեր-Պետրոսյանի սատարման հավանականությունը՝ որպես թույլ օղակ, որին օգտագործելու են գործիքի դերում։ Ճակատագրի հեգնանք է. առաջին նախագահը հայտարարեց, որ պատրաստակամ է դառնալու ժողովրդի ձեռքին գործիք, այսօր դառնալու է այդ միասնական ուժերի ձեռքին գործիք՝ չունենալով եւ ոչ մի շանս միասնական թեկնածուի դերում հանդես գալու համար։ Ինչ վերաբերում է մյուս հավակնորդներին, ապա նրանք ի վերջո ստիպված կլինեն գալու հայտարարի, որ գաղափարական-քաղաքական հարցերից առավելագույնս հեռու կանգնած եւ լուրջ բարեգործական ծրագրերով իր գոյությունը քաղաքականության մեջ արդարացնող Գագիկ Ծառուկյանն ամենահարմար թեկնածուն է։
– Այնուամենայնիվ չպատասխանեցիք, վերջին ամիսներին ԲՀԿ–ի կիսաընդդիմադիր վիճակը հաշվի առնելով, որքանո՞վ է իրատեսական, որ նա կսատարի միասնական թեկնածուի, առավել եւս՝ ի դեմս Ծառուկյանի:
Կարդացեք նաև
– Եթե Գագիկ Ծառուկյանն իր նշանակությամբ երկրորդ կուսակցության առաջնորդի դերում իրեն տեսավ, ԱԱ խորհրդի անդամի դերում իրեն տեսավ, ապա ինչո՞ւ չպետք է իրեն նախագահի դերում տեսնի։
Լուսինե ՇԱՀՎԵՐԴՅԱՆ
«Հրապարակ»
