Հրապարակվել են այն շախմատիստների անունները, որոնք առաջիկա երկու տարիներին կմասնակցեն ՖԻԴԵ-ի տղամարդկանց «Grand Prix»-ի խաղարկության վեց փուլերին. Բորիս Գելֆանդ, Պյոտր Սվիդլեր, Ալեքսանդր Գրիշչուկ, Սերգեյ Կարյակին, Ալեքսանդր Մորոզեւիչ, Վասիլի Իվանչուկ, Ռուսլան Պոնոմարյով, Թեյմուր Ռաջաբով, Շախրիյար Մամեդյարով, Հիկարու Նակամուրա, Գատա Կամսկի, Վեսելին Տոպալով, Ֆաբիանո Կարուանա, Վան Հաո, Պետեր Լեկո, Լենյեր Դոմինգես, Անիշ Գիրի, Ռուստամ Կազիմջանով: Յուրաքանչյուր փուլում հանդես է գալու 12 շախմատիստ:
Այս տարի անցկացվելու է «Grand Prix»-ի երկու փուլ. Լոնդոնում (սեպտեմբերի 20-ից՝ հոկտեմբերի 3-ը) եւ Տաշքենդում (նոյեմբերի 21-ից՝ դեկտեմբերի 5-ը): Արդեն հայտնի են առաջին փուլի մասնակիցները՝ Ռաջաբով, Նակամուրա, Տոպալով, Կամսկի, Վան Հաո, Գելֆանդ, Լեկո, Պոնոմարյով, Մամեդյարով, Դոմինգես, Գիրի, Կասիմջանով:
Հայաստանի լավագույն գրոսմայստեր, ՖԻԴԵ-ի վարկանիշային ցուցալի երկրորդ համար Լեւոն Արոնյանն այս մրցաշարերին չի մասնակցելու:
Աշոտ ՀԱԿՈԲՅԱՆ
