«Խրիստինա» հարսանյաց սրահի տնօրեն Քրիստինա Սեկոյանն այսօր լրագրողների հետ հանդիպման ժամանակ խոսելով աղջիկների ամուսնության տարիքից, նախ ողջունեց կառավարության նոր օրինագիծը, որ աղջիկների ամուսնության տարիքը պետք է լինի 18 տարեկանը, ապա հավելեց. «3-4 տարի առաջ մեզ դիմող աղջիկներից շատերը 17-20 տարեկան էին, այժմ՝ 22-ից մինչեւ 42 տարեկաններն են գալիս: Դա շատ ողջունելի է, քանի որ նրանց ավելի շատ եմ վստահում, քան փոքր հարսնացուներին: 22 տարեկանից բարձր տարիք ունեցողներն ավելի կայացած են, կազմավորված»: Սեկոյանը նշեց, որ ամուսնության համար 22-24 տարեկան հասակն ավելի լավ է:
Նա հայտնեց, որ իր 26 տարվա աշխատանքային փորձի ընթացքում միայն մեկ դեպք է եղել, երբ ամուսնության համար իրեն է դիմել 14 տարեկան
մի աղջիկ, իսկ տարիքով ամենամեծ հարսնացուն, որ ունեցել է գործակալությունը՝ եղել է 42 տարեկան:
Եվա ՀԱԿՈԲՅԱՆ
