Ո՞ր տարիքում գրանցված ամուսնություններն են առավել ամուր՝ թեմայի վերաբերյալ այսօր լրագրողների հետ հանդիպման ժամանակ
հոգեբան Աննա Բադալյանն ասաց. «Ամուսնության համար տարիք որոշելու համար նախ եւ առաջ պետք է հաշվի առնել այն, թե անձը ինչպիսի հոգեբանական հասունություն ունի: Գոյություն ունի ֆիզիոլոգիական եւ հոգեբանական տարիք: Հնարավոր է՝ անձը լինի 40 տարեկան, բայց հոգեբանորեն հասուն չլինի, եւ գուցե 18 տարեկան հասակ ունեցողը լինի բավականին կայացած»:
Իսկ թե որն է պատճառը, հիմքը, որպեսզի անձը դառնա հոգեբանորեն հասուն եւ կայուն՝ Բադալյանը նշեց. «Դրա համար գոյություն ունեն մի շարք գործոններ, նախ՝ կարեւոր է բջջային ընտանիքը, որտեղ մեծանում է անհատը: Այսինքն՝ ինչպիսի ընտանեկան մթնոլորտում է մեծանում անհատը, երկրորդը՝ հասարակությունն է, նրանում ձեւավորված արժեքները, որը թույլ է տալիս անհատին ձեւավորվելու որպես հասարակության համար արժանի անդամ»:
Հոգեբանը հավելեց, որ ամուսնության համար գերադասելի է 24-25 տարեկան հասակը, քանի որ այս տարիքում ոչ միայն ունենում են հոգեբանական առողջ պաշար, այլեւ ձեւավորված են լինում կյանքի հմտությունները:
Կարդացեք նաև
Եվա ՀԱԿՈԲՅԱՆ
