2009-2011թթ. ընթացքում քրեակատարողական հիմնարկներում մահացել է ծանր հիվանդությամբ տառապող 33 դատապարտյալ, որոնցից 16-ի մոտ ախտորոշված ծանր հիվանդությունը չի համապատասխանել ՀՀ կառավարության 2006թ. մայիսի 26-ի 825 –Ն որոշմամբ հաստատված պատիժը կրելուն խոչընդոտող ծանր հիվանդությունների ցանկին:
Ըստ ՀՀ գլխավոր դատախազության Պատիժների և հարկադրանքի այլ միջոցների կիրառման օրինականության նկատմամբ հսկողություն իրականացնող վարչության ուսումնասիրության՝ 8 դատապարտյալի մոտ ախտորոշված հիվանդությունը թեև համապատասխանել է հիշյալ ցանկին, սակայն վերջիններս մահացել են մինչև Բժշկական աշխատանքային հանձնաժողովի /ԲԱՀ/ կողմից հարցի քննարկումը:
Մեկ դատապարտյալի մոտ ախտորոշված հիվանդությունը համապատասխանել է ցանկին, սակայն ԲԱՀ-ի որոշման վերաբերյալ միջգերատեսչական հանձնաժողովը տվել է բացասական եզրակացություն:
2 դատապարտյալի մոտ ախտորոշված հիվանդությունը թեև համապատասխանել է ցանկին, սակայն Քրեակատարողական հիմնարկի վարչակազմը հարցը ԲԱՀ-ի քննարկմանը չի ներկայացրել՝ հաշվի առնելով վերջիններիս կատարած հանցագործության ծանրության աստիճանը՝ ՀՀ քրեական օրենսգրքի 104 հոդվածի 2-րդ մաս՝ Սպանությունը, թեպետ օրենսդրությամբ նման հիմք նախատեսված չէ:
Կարդացեք նաև
6 դատապարտյալի մոտ ախտորոշված հիվանդությունը համապատասխանել է ցանկին, սակայն նրանցից երկուսը մահացել են մինչև միջգերատեսչական հանձնաժողովի կողմից փորձաքննության կատարումը, մեկը՝ մինչև դատարանի կողմից ՔԿՀ-ի քննարկումը, իսկ երեքը՝ դատարանների կողմից միջնորդությունները մերժվելուց հետո:
«Փաստինֆո» լրատվական գործակալություն
