Հայաստանը` ի թիվս Քաղաքացիական և քաղաքական իրավունքների մասին միջազգային դաշնագրին միացած 167 պետությունների, ենթակա է ՄԱԿ-ի Մարդու իրավունքների կոմիտեի կողմից կանոնավոր ստուգումների: Հայաստանում վերջին անգամ դիտարկումներն անցկացվել են 1998 թվականին:
Այսօր մեկնարկում է Հայաստանում մարդու իրավունքների հերթական ուսումնասիրությունը: 18 անկախ փորձագետներից բաղկացած կոմիտեն, հայաստանյան պատվիրակության հետ, կծավալի երկխոսություն` Հայաստանում մարդու իրավունքների խթանման և պաշտպանության վերաբերյալ:
Ինչպես հայտնում են ՄԱԿ-ի երևանյան գրասենյակից, հանդիպման ուղիղ հեռարձակմանը կարելի է հետևել հուլիսի 16-ին` ժամը 17:00-19:00-ին, և հուլիսի 17-ին` ժամը 12:00-15:00 /տեղական ժամանակով/, համացանցով` https://www.treatybodywebcast.org/:
Հայաստանի կառավարությունը Մարդու իրավունքների կոմիտեին ներկայացրել է մարդու իրավունքների բնագավառում իր ստանձնած պարտավորությունների կատարման վերաբերյալ պետական զեկույց, իսկ մի շարք ոչ-կառավարական կազմակերպություններ` սեփական զեկույցները:
Կարդացեք նաև
Մարդու իրավունքների հանձնաժողովի Հայաստանի մասին եզրափակիչ դիտարկումները հասանելի կլինեն հուլիսի 27-ին հետևյալ հասցեով` https://www2.ohchr.org/english/bodies/hrc/hrcs105.htm, որից հետո հնարավոր կլինի հարցազրույցներ կազմակերպել հանձնաժողովի անդամների հետ:
«Փաստինֆո» լրատվական գործակալություն
