Հունաստանի Ռեթիմնո քաղաքում շախմատի միջազգային 4-րդ բաց առաջնությունն ավարտվել է հայաստանցի գրոսմայստեր Գաբրիել Սարգսյանի հաղթանակով: Հայաստանի ազգային հավաքականի անդամը եզրափակիչ տուրում միավորը բաժանել է Իսպանիայի լավագույն գրոսմայստերներից Իվան Սալգադո Լոպեսի հետ: Կես միավոր են վաստակել նաեւ նրա հիմնական մրցակիցները եւ աշխարհի թիմային չեմպիոն մեր շախմատիստը 9 հնարավորից 7,5 միավորով դարձել է միանձնյա հաղթող::
Վերջին տուրերը վերելքով է անցկացրել մինչ այդ մրցաշարային աղյուսակի միջնամասում ընթացող Տիգրան Մամիկոնյանը: Մեր երկրորդ ներկայացուցիչը, տանելով երեք անընդմեջ հաղթանակ, ի վերջո իր անվան դիմաց գրանցել է 6,5 միավոր՝ 160 մասնակիցների մեջ պայքարն ավարտելով 15-րդ հորիզոնականում:
Աշոտ ՀԱԿՈԲՅԱՆ
