Դեղ արտադրողների ու ներմուծողների միության նախագահ Սամվել Զաքարյանն այսօր «Նոյյան տապան» մամուլի ակումբում հանդես եկավ բժիշկների նկատմամբ բռնության դեպքերը դատապարտող հայտարարությամբ:
Պարոն Զաքարյանն անհանգստացած է ոչ միայն «Հարսնաքարում» սպանված ռազմական բժշկի դեպքով, այլեւ վերջին շրջանում շտապ օգնության աշխատակիցներին ծեծելու միտումով: «Հիվանդին միշտ օգնելու պատրաստ բժիշկների նկատմամբ բռնության դեպքերի դինամիկան աբսուրդի է հասնում: Մենք դատապարտում ենք մեր հասարակության առանձին անհատների անհանդուրժողականության արդյունքում ի հայտ եկած անմարդկային վերաբերմունքը հայ բժշկի նկատմամբ»,- ասաց պարոն Զաքարյանը:
Նա ասաց, որ իրենց միությունը բժիշկներին պաշտպանելու նպատակով այս պահին աշխատում է շտապ օգնության աշխատակիցների հետ՝ շտապ օգնության աշխատակիցների ասոցիացիա ստեղծելու համար:
Պարոն Զաքարյանի խոսքերով, բժիշկներին օրենքով պաշտպանելու անհրաժեշտություն կա,եւ ասցիացիան այդ հարցերով է զբաղվելու:
Կարդացեք նաև
Նա ասաց նաեւ, որ բժիշկներին պաշտպանելու իրենց նախաձեռնությանը միացել է նաեւ Առողջապահության նախարարությունը:
Արփինե ՍԻՄՈՆՅԱՆ
