«Լրագրի» հարցազրույցը ԱԺ Ժառանգություն խմբակցության ղեկավար Ռուբեն Հակոբյանի հետ
– Պարոն Հակոբյան, ավարտվեց ՀՀ ԱԺ արտահերթ նիստ հրավիրելու ստորագրահավաքը և այդ ցանկում բացակայում է Րաֆֆի Հովհաննիսյանի ստորագրությունը: Ինչպե՞ս կմեկնաբանեք:
– Արտահերթ նիստ հրավիրելու նախաձեռնությունը ի սկզբանե “Ժառանգությանն” էր, որը հետագայում դարձավ “Ժառանգության” և ՀԱԿ-ի համատեղ նախաձեռնություն: Հետագայում այս ստորագրահավաքին աջակցեց ՀՅԴ-ն որպես խմբակցության դիրքորոշում, իսկ ԲՀԿ-ն, ինչպես պարզվեց հետագայում, առանձին պատգամավորների մասնակցությամբ: Հասկանալի է, որ Րաֆֆի Հովհաննիսյանը այս նախաձեռնության հեղինակներից է, իսկ նրա ստորագրության բացակայությունը ընդամենը տեխնիկական էր: Պարոն Հովհաննիսյանը բացակայում էր Երևանից և այս ընթացքում մշտապես իր աջակցությունն է հայտնել այս նախաձեռնությանը:
– Լրատվամիջոցներում տեղեկատվություն տարածվեց, որ ձեր կուսակցության անանուն ներկայացուցիչներից մեկը Հովհաննիսյանի ստորագրության բացակայությունը պատճառաբանում է նրանով, որ Հովհաննիսյանը չի վերցրել պատգամավորական մանդատը և իրեն պատգամավոր չի համարում, հետեւաբար՝ չի կարող միանալ այս նախաձեռնությանը:
Կարդացեք նաև
– Հասկանալի է, որ գործ ունենք անհեթեթության, գուցե և դիտավորության հետ: Անհայտ է այն անձի անունը, որ նման մեկնաբանություն է արել:
– ԲՀԿ խմբակցության քարտուղար Նաիրա Զոհրաբյանը, հիմք ընդունելով Ձեր նշած այս “անհեթեթությունը”, այսպիսի մեկնաբանությամբ է հանդես եկել. “Գիտեք, ես կարծում էի, ինձ այլեւս դժվար է որեւէ բանով զարմացնելը, սակայն Րաֆֆի Հովհաննիսյանին եւ Ժառանգությանը հերթական անգամ դա հաջողվեց: Նույն տրամաբանությամբ ես կարող եմ ասել, որ մանդատս տանն եմ թողել, կամ կորցրել եմ, եւ մինչեւ մանդատս չգտնեմ՝ ես պատգամավոր չեմ: Սա կատարյալ անհեթեթություն է”:
– Ընդհանրապես խուսափում եմ անդրադառնալ բոլոր այն ձևակերպումներին, որոնցում բացակայում են քաղաքական հիգիենայի տարրական կանոնները
