Հաշվի առնելով «Բարգավաճ Հայաստան», «Հայ Յեղափոխական Դաշնակցության» եւ «Ժառանգության» խմբակցությունների ներկայացուցիչների հետ տեղի ունեցած խորհրդակցությունները՝ «Հայ ազգային կոնգրես» խորհրդարանական խմբակցությունը նախօրեին հանդես էր եկել հուլիսի 17-ին, ժամը 12-ին ԱԺ արտահերթ նստաշրջան հրավիրելու նախաձեռնությամբ: Օրակարգում մեկ հարց պետք է լիներ՝ «2012թ. հունիսի 17-ին Երեւանի «Հարսնաքար» ռեստորանային համալիրում պաշտպանության նախարարության մի խումբ սպաներին դաժան ծեծի ենթարկելու, նրանցից մեկին մահ պատճառելու հանգամանքների ուսումնասիրության նպատակով ԱԺ ժամանակավոր հանձնաժողով ձեւավորելու ԱԺ որոշում ընդունելու մասին»: Նստաշրջանի համար անհրաժեշտ էր հավաքել 44 ստորագրություն: Հայտը խորհրդարանի ղեկավարությանը ներկայացնելու վերջնաժամկետն այսօր՝ 18. 00-ն էր:
Քիչ առաջ Aravot.am-ը նախաձեռնողներից ճշտեց, որ ընդամենը 21 ստորագրություն է հավաքվել: Այսինքն՝ արտահերթ նստաշրջան հրավիրելու նախաձեռնությունը նպատակին չհասավ:
Ստորագրել են ՀԱԿ-ի ողջ խմբակցությունը՝ 7 պատգամավոր, ՀՅԴ 5 պատգամավորներից 3-ը՝ Վահան Հովհաննիսյան, Արմեն Ռուստամյան, Արծվիկ Մինասյան, Ժառանգության 5 պատգամավորներից 4-ը՝ Ռուբեն Հակոբյան, Խաչատուր Քոքոբելյան, Զարուհի Փոստանջյան, Ալեքսանդր Արզումանյան, ԲՀԿ 37 պատգամավորներից 7-ը՝ Նաիրա Զոհրաբյան, Վարդան Օսկանյան, Տիգրան Ուրիխանյան, Սամվել Մարգարյան, Էլինար Վարդանյան, Վահան Բաբայան, Վահե Հովհաննիսյան:
Կարդացեք նաև
Նելլի ԳՐԻԳՈՐՅԱՆ
