Սեւան Վարդանյանը Իրաքում է ծնվել, պատերազմական գործողությունների պատճառով 2005-ին տեղափոխվել է Հայաստան եւ այժմ ունի փախստականի կարգավիճակ: Այստեղ նա ընդունվել է Երեւանի ճարտարապետության եւ շինարարության պետական համալսարանի ճարտարապետական ֆակուլտետ: Սեւանն ասում է, որ ուսման վարձը շատ բարձր էր՝ 800000 դրամ, եւ չնայած փախստականի կարգավիճակին, իրենից այն գանձվում էր այնպես, ինչպես արտասահմանի քաղաքացիների դեպքում:
Պատմում է, որ սկզբում շատ դժվար է եղել ընտանիքի համար, ծանոթներից մեկը ժամանակավորապես իր կոմիտասյան բնակարանն է տրամադրել, հայրն էլ ստիպված է եղել կրկին Իրաք վերադառնալ՝ ընտանիքի կեցության եւ որդու ուսման վարձը հոգալու համար: «Հայրս բառացիորեն զոհվում էր Իրաքում, աշխատում վտանգավոր պայմաններում, բայց ուրիշ ճար չունեինք: Եղել է շրջան, որ մայրս, քույրս, ես ու եղբայրս երկու տարով հորս չենք տեսել»,- Aravot.am-ին պատմում է երիտասարդը::
Նա հիմա էլ ցանկանում է ուսումը շարունակել ասպիրանտուրայում. «Չնայած գերազանց եմ ավարտել մագիստրատուրան, բայց ասում են՝ պետք է վճարովի սովորեմ ասպիրանտուրայում, վարձն էլ 800000 է: Եթե չկարողացա վճարել, Հայաստանում հաստատվելու երազանքս չի իրականանա»,- սրտնեղում է երիտասարդը:
Կարդացեք նաև
Մանրամասները կարդացեք տպագիր «Առավոտում»
Գոհար ՀԱԿՈԲՅԱՆ
