Պատասխանելով Aravot.am-ի հարցին՝ օրերս Ֆրանսիայի դեսպանը նշեց, թե Մինսկի խմբի համանախագահները ընդգծված ակտիվություն են ցուցաբերում Ղարաբաղյան հակամարտության լուծման ուղիների փնտրման ուղղությամբ: Դուք կիսո՞ւմ եք դեսպանի կարծիքը, «Կովկաս» ինստիտուտի փոխտնօրեն, քաղաքագետ Սերգեյ Մինասյանն ասաց. «Այո. նույն համատեքստում խոսքը գնում է շփման գոտում միջադեպերի նվազեցման հարցին: Խոսքն այն մասին չէ, որ կակտիվանա բուն բանակցային գործընթացը, որովհետեւ ներկայումս բանակցային գործընթացն ակտիվացնելն անիրատեսական է: Մադրիդյան սկզբունքները հայկական կողմի համար գրեթե ընդունելի չեն, իսկ Ադրբեջանի համար՝ ընդհանրապես ընդունելի չեն: Եվ այդ փաստաթղթի տակ նրանք կամավոր չեն ստորագրի: Բայց հարկ է նշել, որ Մինսկի խմբի առաքելությունը հրադադարը պաշտպանելն է, եւ այդ միջադեպերի նվազեցումը ու հենց այդ ուղղությամբ էլ ներկայումս տարվում են աշխատանքներ»:
Եվա ՀԱԿՈԲՅԱՆ
