Աբովյան-Երեւան, Չարենցավան-Երեւան երթուղագծերը սպասարկող «Կինգ դե լյուքս» ընկերությունը, «Ծառուկյան» հիմնադրամի բարեգործական անվճար ավտոբուսների նույն երթուղագծում աշխատելու հետեւանքով, մոտ 900 հազար դոլարի վնաս է կրել եւ, ինչպես ընկերության տնօրինությունն է վստահեցնում` այդ բարեգործությունը հակամրցակցային է, ինչի համար էլ դիմել են տնտեսական մրցակցության պաշտպանության պետական հանձնաժողով:
Այս առնչությամբ հանձնաժողովից Aravot.am-ին վստահեցրին, որ մոտ 10 օր առաջ են ստացել դիմումը եւ այն այժմ ուսումնասիրման փուլում է. «Հանձնաժողովի նախագահ Արտակ Շաբոյանը հանձնարարել է մրցութային փաթեթը վերցնել եւ ուսումնասիրել: Եթե լինեն մրցակցային խնդիրներ, անմիջապես միջոցառումներ կձեռնարկվի, եթե ոչ` այդ ողջ փաթեթը կհանձնվի համապատասխան մարմնին»:
Նելլի ԲԱԲԱՅԱՆ
