Այս պահին դեռ Կենտրոն եւ Նորք-Մարաշ համայնքների ընդհանուր իրավասության դատարանում շարունակվում է ՀԱԿ ակտիվիստների դատավարությունը: Aravot.am-ը Տիգրան Առաքելյանից հետաքրքրվեց, թե ինչպե՞ս է իրեն զգում եւ ի՞նչ ակնկալիքներ ունի. «Լավ եմ, շնորհակալություն: Դուք շատ լուրջ եք վերաբերվում սրան»,- պատասխանեց Տիգրան Առաքելյանը, կես կատակ, կես լուրջ ասելով, որ ակնկալում է, որ մի 10 տարի կտան. «Հաշվի առնելով, որ մինչեւ ստեղ հասել են, դե գոնե մի 9 կտան»:
Մեղադրող կողմը իր մեղադրական ճառում ներկայացրեց, որ Տիգրան Առաքելյանի վերաբերյալ քրգործով մեղադրանքը հիմնավորվել է տուժող Վոլոդյա Գրիգորյանի ցուցմունքով: Նա իր ցուցմունքում ներկայացրել է, որ դեպքի օրը ծառայողական պարտքն է կատարել, հանդիպել է մի մեծ շան հետ զբոսնող երիտասարդի, որը շանը հասարակական վայր է բերել առանց դնչկալի, նկատողություն է արել, երիտասարդն ընդունել է իր սխալը, ներողություն է հայտնել ու հեռացել: Սակայն վրա են հասել ՀԱԿ ակտիվիստները, մասնավորապես՝ Տիգրան Առաքելյանն ու Արտակ Կարապետյանը, իրենց հասցեին վիրավորական արտահայտություններ են արել, քաշքշել, պոկել են ուսադիրը, տարբերանշանը: Նրանց հետո միացել են իրենց ընկերները՝ Սարգիս Գեւորգյանը ոտքով այնպես է հարվածել ոստիկանի փորին ու վզին, որ նա ընկել է:
Մյուս տուժողի ցուցմունքով էլ ՝ տղաները ոստիկաններից մեկի քիթն են ջարդել, ճանկռել մեկ այլ ոստիկանի ձեռքերը, 10-15 րոպե հարվածել, հայհոյել, քաշքշել: Դատական նիստը շարունակվում է:
Կարդացեք նաև
Հռիփսիմե ՋԵԲԵՋՅԱՆ
