«Ես շատ ուրախ եմ, որ Հայաստանում այսօր այսպիսի շարժում է ձեւավորվել: Բայց պետք է պայքարել ոչ թե անձամբ Ռուբեն Հայրապետյանի դեմ, այլ ՀՀ-ում հարսնաքարերը բացառելու»,- «Առավոտին» ասաց ներքին գործերի նախկին նախարար Վանո Սիրադեղյանի թիկնազորի պետ Սուրեն Սիրունյանը՝ հավելելով. «Եթե այդ դեպքերի առիթով բողոքի ակցիա է կազմակերպվում, եւ այնտեղ ինչ-որ մարդիկ գոռում են՝ «Լեւոն, նախագահ», ես դա չեմ հասկանում: Նույն բանը Լեւոնի ժամանակ էր, նույն բանը՝ Ռոբերտի, նույնն էլ հիմա է: Երեւույթի դեմ պետք է պայքարել: Եթե շարժման նպատակը Հայաստանում անօրինականությունը բացառելն է, պետք է քաղաքական կուսակցությունների ոչ մի անդամի թույլ չտան մասնակից լինել դրան: Նրանք ամեն կերպ կփորձեն շահարկել Վահեի մահը եւ իրենց ծառայեցնել շարժումը»:
«Առավոտ» օրաթերթ
