«Անքուն ֆեյսբուքցիներ» ֆեյսբուքյան Էջը գործում է 2012թ. հունվարի 22-ից: «Ի սկզբանե էջում եղել է միայն մեկ ադմին՝ ես: Ներկայումս ինձ օգնում է մեր մյուս ադմինը: Էջում մեզ պայմանականորեն կոչում ենք A1 (ես եմ) և A3 : Համանման էջեր կան ֆեյսբուքում ու առհասարակ մենք միշտ հետևում ենք այլ հայկական էջերի ռեյտինգներին: Էջը երիտասարդ է, բայց բավականին արագ է զարգացել, ու արդեն ունենք մոտ 11 000 անդամ»: Ադմինը սա բավական լուրջ ձեռքերում է համարում, հաշվի առնելով, որ էջը գործում է ընդամենը 6-7 ամիս: «Հայ երիտասարդների մեջ շատ հետաքրքիր տենդենց եմ նկատել, շատերը սիրում են գիշերն անքուն մնալ , ֆիլմեր դիտել կամ պարզապես շփվել ընկերների հետ»,- ասում է էջի ադմինը: Ինքն էլ նախքան էջը պատրաստելը գիշերը հաճախ էր ձանձրանում եւ մի օր էլ միտք է ծնվում «գիշերասեր ու ժամանցասեր» երիտասարդների համար մի բան կազմակերպել . ստեղծում է «Անքուն ֆեյսբուքցիներ» էջը: Անվան շուրջ երկար է մտածել: Խոստովանում է, որ բազմիցս նամակներ են իրենց գրվել, որտեղ գնահատվել է էջի տիպիկ անվանումը: Այսօր նրանք բազմաթիվ հումորային նկարներ են պատրաստում, որոնք հավանության են արժանանում օգտատերերի կողմից: Էջը միայն ժամանցային չէ. «Մինչեւ օրս ոչ մի դեպք՝ քաղաքական բնույթի կամ այլ, մեր ուշադրությունից չի վրիպել, ստատուսների, pOst-երի, անգամ մեր պատրաստած նկարների միջոցով մշտապես անդրադարձել, քննարկել ենք, մեր կարծիքը հայտնել ու ամենակարևորը հաշվի առաել օգտվողների կարծիքները (ինչը շատ հազվադեպ է նկատվում հայկական էջերում)»,- ասում է A1 ադմինը: Ըստ նրա՝ օգտատերերից շատերը, իմանալով, որ էջում գործում է երկու ադմին, ցանկություն են հայտնում միանալ իրենց. «Նրանք չեն պատկերացնում, թե որքան լուրջ ու պատասխանատու գործ է: Օրվա ընթացքում բազմաթիվ վեճերն են առաջանում, իսկ նման դեպքերում շատ կարևոր է պահպանել սառնասրտություն, զսպել զայրույթը եւ հեռացնել այն օգտատերերին, ովքեր զուրկ են քաղաքակիրթ լինելուց»,- ասում է նա: Իրենց զայրույթի առիթ կարող է դառնալ այս կամ այն մրցույթին մասնակցություն ունեցող մարդկանց նկարը «share անելու» առաջարկները ու «Like-եր մուրալը». «Ինքս, լինելով արդարամիտ մարդ, չեմ ընդունում նման հաղթանակն ու իմ նախաձեռնությամբ ոչ մի մրցութային նկար չենք post-ում»: Էջի նպատակը անքուն գիշեարսերների համար ժամանց ապահովելն է, չնայած նրանք առավել շատ աշխատում ու նկարներ են post անում ցերեկը, տարանջատում չդնելով, քանի որ էջը պատրաստված չէ միայն գիշերասերների համար: «Մեր էջի գլխավոր կարգախոսն է հայերին ՝ առավել թեթև նայեք կյանքին, մի նախանձեք, մի չարացեք իրար նպատմամբ , ուրախ եղեք ու հաճախ ժպտացեք: Մեզ շատ են անհանգստացնում այլ էջերի ադմիններ ու մեղմ ասած չուզող մարդիկ: Դրանք հիմնականում արտահայտվում են մեկնաբանություններում, իսկ վերջերս էլ մի էջ մեղադրում էր, որ իրենց անունն ենք վերցրել, բայց մի բառ անգամ չէր համապատասխանում… »: Այնուամենայինիվ, նրանք շարունակում են աշխատել այն մարդկանց համար, ովքեր գնահատում են իրենց աշխատանքը:
Քրիստինա Միրզոյան
