«Գալուստ Սահակյանը լավ կլինի կանխատեսումներ անի երկրի զարգացման վերաբերյալ, կանխատեսումներ անի, թե ե՞րբ է իրենց հանցավոր ռեժիմը սպառելու իրեն եւ վերջապես հասկանալու, որ երկիրը կործանման են տանում: Գալուստ Սահակյանն ի՞նչ գործ ունի ՀԱԿ-ի մասին խոսելու»,- Aravot.am-ի հարցին այսպես արձագանքեց ԱԺ նախկին փոխխոսնակ, ՀԱԿ նախկին անդամ Կարապետ Ռուբինյանը:
Օրերս Aravot.am-ի հետ զրույցում անդրադառնալով ՀԱԿ կենտրոնական գրասենյակի անդամ Դավիթ Շահնազարյանի՝ ՀԱԿ-ում իր քաղաքական գործունեությունը դադարեցնելու փաստին, ՀՀԿ փոխնախագահ Գալուստ Սահակյանն ասել էր, որ ՀԱԿ-ը գնում է «բնականոն լուծարման», քանի որ իրար ետեւից պարտություններ գրանցող ուժը երկար գոյատեւել չի կարող:
Ի հեճուկս ՀԱԿ կենտրոնական գրասենյակից հնչած այն պարզաբանումների, որ Դավիթ Շահնազարյանն անձնական պատճառներով է լքել ՀԱԿ-ը եւ համաձայն պայմանավորվածության, դրանց մասին կբարձրաձայնի ինքը, Կարապետ Ռուբինյանը Դավիթ Շահնազարյանի հարցազրույցից հետեւյալ տպավորությունն է ստացել. «Բաց խոսել է իր քաղաքական գործունեությունը ՀԱԿ-ում դադարեցնելու պատճառների մասին եւ դրանք առաջին հերթին ԲՀԿ-ի հետ վերջին քաղաքագիտական վերլուծության հետեւանքով զարգացումներն են: Երկրորդ՝ ՀԱԿ-ը շեղվել է իր նախնական հայտարարած նպատակներից եւ, որպես ձեռքբերում է ներկայացնում բաներ, որոնք ընդհանրապես նպատակների մեջ չկային»:
Կարդացեք նաև
Նելլի ԳՐԻԳՈՐՅԱՆ
