ՖՈՏՈԼՈՒՐ
«Մի քանի տարի առաջ ես ասացի, որ Հայաստանում դասակարգային պայքար է գնում: Այդ պայքարը գնում է օլիգոպոլիայի եւ հասարակության միջեւ. սա ավելի դաժան պայքար է, որի ավարտը պիտի լինի մեկի կամ մյուսի հաղթանակով: Այստեղ հրադադար չկա, բանակցության սեղան չի կարող լինել, որովհետեւ հասարակության խնդիրներն ու շահերը բացարձակ հակառակ բեւեռային են այն շահերին եւ խնդիրներին, որն այսօր իր առջեւ դնում է օլիգոպոլիա կոչվածը»,-այսօր լրագրողների հետ հանդիպման ժամանակ ասաց դրամատուրգ Կարինե Խոդիկյանը:
Ըստ Խոդիկյանի՝ ստացվում է, որ պետությունն ու քրեածին ճանապարհով հարստություն կուտակած օլիգարխիան մեծամասամբ միացել են, պետական ապարատն ու մասնավոր բիզնեսն այնպիսի մի պատվար են, որ հասարակությունը եթե չհասկանա, որ իր տեսակը պահելու խնդիր ունի, կվերածվի վերջնական ճահճի:
Եվա ՀԱԿՈԲՅԱՆ
