«Ղարաբաղյան հակամարտությունը թևակոխել է միայն Մինսկի փուլ, որտեղ կամ պետք է իրենք՝ հակամարտության կողմերը, գտնեն ուղիներ ադապտանալու այս նոր իրավիճակին, կամ պետք է բախումներ լինեն»,-այսօր լրագրողների հետ հանդիպման ընթացքում հայտարարեց «Ժառանգություն» կուսակցության քարտուղար Ստեփան Սաֆարյանը և հավելեց. «Ղարաբաղյան հակամարտության առումով կպարտադրվի մի տարբերակ, որից խուսափելու հնարավորություն կողմերը չեն ունենալու»: Մասնավորեցնելով ասվածը՝ պարոն Սաֆարյանը նկատեց. «Հակամարտության մենեջմենթն է, որ պետք է թույլ չտա հակամարտությանը դուրս գալ թույլատրելի զարգացումներից»:
Խոսելով պատերազմի վերսկսման վտանգի մասին՝ Ս. Սաֆարյանն այսպիսի կարծիք հայտնեց. «Հավանական չեմ համարում այն պարզ պատճառով, որ ոչ միայն կողմերը չեն կարող հասնել այն նպատակներին, որ դրել են, այլև հունիսյան դեպքերը ցույց տվեցին, որ Ադրբեջանի բանակը ի զորու չէ լուծելու իր առջև դրված խնդիրները: Արդեն իսկ ժամանակն է գիտակցելու, որ այն ծրագրերը, որ հասարակության որոշ մասի կողմից քննադատվում էին, այդ ծրագրերը տարածաշրջանում այժմ խաղաղության երաշխավորներից մեկն են դարձել: Բայց երբեք միջազգային հանրությունը թույլ չի տա վտանգել այդ ծրագրերը, որոնց վրա խոշոր գումարներ են ծախսվել, չեն կարող խաչ քաշել այդ ամենի վրա»:
Տաթև ՀԱՐՈՒԹՅՈՒՆՅԱՆ
Կարդացեք նաև
