Aravot.am-հարցին, թե գազի հավանական թանկացումն ինչ հետեւանքներ կթողնի մեր տնտեսության վրա, տնտեսագետ Թաթուլ Մանասերյանն ասաց. «Եթե ՀՀ կառավարությունը սուբսիդավորի սոցիալապես խոցելի խավերին, եւ որոշակի արտոնություններ լինեն նաեւ արտահանման ուղղվածությամբ` մրցունակ արտադրանք արտահանելու համար, կարծում եմ, որ ցնցումներ չեն լինի, իսկ եթե այդ սոցիալական գործոնը հաշվի չառնվի, բնականաբար շղթայական ռեակցիայով դա կարող է հարվածել առողջ երկրին»:
Ինչ վերաբերում է նրան` գազը կթանկանա՞, թե՞ ոչ, պարոն Մանասերյանը ոչինչ չբացառեց. այդ հարցը պայմանավորելով գլոբալ քաղաքականությամբ. «Ես ընդամենը կարող եմ ասել, որ ոչինչ չեմ բացառում, եւ դա զուտ տնտեսական հարց չէ, եւ շատ լավ գիտակցում ենք, որ դա կապված է գլոբալ քաղաքականության հետ, այնպես որ բացառել նման բան կարող է միայն շատ կարճատես մարդը, բայց նաեւ պնդել չի կարելի, քանի որ հայտնի չէ թե որ ուղղությամբ կգնան զարգացումները տնտեսական եւ քաղաքական ասպարեզներում»: Տնտեսագետը որեւէ կանխատեսում չարեց, թե թանկանալու դեպքում գազի գինը որքան կբարձրանա. «Ոչ ոք այս պահին, անգամ նրանք, որոնք գինը որոշողն ու ձեւավորողն են, նման բան չեն կարող ասել»:
Լուսինե ԲՈՒԴԱՂՅԱՆ
