:Ազգային վիճակագրական ծառայության տվյալներով՝ 2012թ հունվար մայիսին Հայաստանում գրանցվել է տնտեսական գործունեության դեմ ուղղված 372 հանցագործություն, նախորդ տարվա նույն ժամանակահատվածում գրանցվել է 497 դեպք, այդ թվում՝ կեղծ փողեր կամ արժեթղթեր պատրաստելը, պահելը կամ իրացնելը 60, տնտեսական գործունեության դեմ ուղղված այլ հանցագործություններ 312:
Պետական իշխանության, ծառայության և կառավարման կարգի դեմ ուղղված հանցագործությունների թիվը կազմել է 758՝ այդ թվում պաշտոնական լիազորությունները չարաշահելը և պաշտոնական լիազորությունների սահմանն անցնելու 26 դեպք: Գրանցվել կաշառք ստանալու, տալու և կաշառքի միջնորդության 22 դեպք: Պետական իշխանության, ծառայության և կառավարման կարգի դեմ ուղղված այլ հանցագործությունների քանակը 693 է:
Հանցագործությունների ընդհանուր քանակից 190-ը եղել են կոռուպցիոն բնույթի հանցագործությունները:
«Փաստինֆո» լրատվական գործակալություն
