Այսօր «Հայելի» ակումբում լրագրողների խնդրանքով ԿԳ նախարար, ՀՀԿ փոխնախագահ Արմեն Աշոտյանը գնահատական տվեց «Հարսնաքարի» ողբերգական միջադեպի հետ կապված երեկ տեղի ունեցած զարգացումներին:
Ա. Աշոտյանը կատարված ողբերգության մեջ տեսնում է մարդկային, քաղաքական և իրավական հարթություններ: Մանրամասնելով՝ պարոն Աշոտյանն ասաց. «Մարդկային հարթություն, որտեղ կա ողբալի սպանություն, ցավ, վիշտ, նյարդային վիճակ, նստվածք: Քաղաքացիական հարթություն. այս ողբերգությունը, այո, քաղաքական ակտիվության համար նաև հիմք էր և առիթ: Առիթ հասկանալու, թե հետո ինչ անել, որ նման դեպքեր չկատարվեն և ոչ մեկիս հետ, թե ինչպես կարգավորվի այս դժբախտությունը, ինչպիսի լուծումներ տրվեն, որոնք հետո կկանխեն նման դժբախտության հավանականությունը»:
Վերջում Ա. Աշոտյանն անդրադառնալով իրավական հարթությանը՝ նկատեց. «Եվ, ի վերջո, երրորդը իրավական հարթությունն է: Չորրորդ հարթություն, քաղաքական հարթություն գոյություն չունի: Շեշտում եմ՝ մարդկային, քաղաքացիական և իրավական: Այս ողբերգությունը քաղաքականացնելու փորձերն ամբողջությամբ բարոյազրկում են մեր հասարակության բարոյական ցասումը, այս խնդրով տառապող, ջղայնացած, նստվածք ունեցող քաղաքացիների բարոյական ցասումը»:
Տաթև ՀԱՐՈՒԹՅՈՒՆՅԱՆ
