արխիվային լուսանկար
Երեկ ուշ երեկոյան Կապանում տեղացած հորդառատ անձրեւից եւ սելավներից ծառեր են արմատախիլ եղել, նույնիսկ վտանգավոր իրավիճակ ստեղծել մարզկենտրոնի ծայրամասային թաղամասերից մեկում:
Կապանի Բաղաբուրջ թաղամաս տանող ճանապարհին արմատախիլ եղած ծառը ոչ միայն խոչընդոտում էր ճանապարհի երթեւեկությունը, այլեւ գազատար խողովակի վրա ընկնելով՝ խիստ վտանգավոր իրավիճակ էր առաջացրել:
Կեսգիշերին մոտ դեպքի մասին ահազանգել էին նաեւ Սյունիքի մարզային փրկարարական ծառայություն:
Բաղաբուրջ թաղամասի լիազոր Գարիկ Հովսեփյանի խոսքով` արմատախիլ եղած 65 տարեկան փշատենու ծառը, բարեբախտաբար, գազատարը չէր վնասել: Իսկ դեպքի վայր մեկնած փրկարարական ջոկատի օպերատիվ խումբը բնակիչների օգնությամբ հեռացրել է ծառը եւ բացել ճանապարհի երթեւեկությունը:
Կարդացեք նաև
Մերի ՍՈՂՈՄՈՆՅԱՆ
