Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանի նախագահությամբ այսօր պետք է շարունակվեր Վրաստանի քաղաքացի Վաժա Ազիարաշվիլու, Երվանդ Համբարյանի, Հասմիկ Դուրգարյանի, Կարո Հովհաննիսյանի, Վարդան Եղիազարյանի, Դավիթ Համբարյանի, Աբգար Հովսեփյանի նկատմամբ հարուցված քրեական գործի դատաքննությունը:
Ըստ մեղադրանքի՝ Վաժա Ազիարաշվիլու գլխավորությամբ Տերյան 72 հասցեում գտնվող մեր Ազգային գրադարանից գողացվել է 150 միավոր ռուսերեն պատմական գրքեր (1800-1900թվականների)՝ մոտ 7 մլն 500 հազար դրամ արժողությամբ:
Այսօր դատարանում քաղհայցվոր ճանաչվեց նաեւ Հայաստանի պետական համալսարանը: Մինչ այդ՝ տուժող էր ճանաչվել Ազգային գրադարանը:
Վրացի Վաժայի պաշտպանությունն այսօրվանից ստանձնել է ՀՀ փաստաբանների պալատի անդամ Արտավազդ Փարսադանյանը (ի դեպ, նա վերջերս պաշտպանում էր ՀՀ ոստիկանության քրեական հետախուզության նախկին պետ Հովհաննես Թամամյանին): Պաշտպանը խնդրեց 20 աշխատանքային օրով հետաձգել դատական նիստը՝ 8 հատորին ծանոթանալու համար: Դատարանը բավարարեց միջնորդությունը եւ հաջորդ դատական նիստը նշանակվեց հուլիս 26-ին, ժամը 12.00-ին:
Կարդացեք նաև
Այս աղմկահարույց գործով ներգրավված են ճանաչված փաստաբաններ Սեդա Սաֆարյանը,Վաղինակ Գեւորգյանը, Ռազմիկ Թովմասյանը: Մեղադրանքը պաշտպանում է Աշոտ Նադոյանը:
Ռուզան ՄԻՆԱՍՅԱՆ
