ՀԱՅՏԱՐԱՐՈՒԹՅՈՒՆ
Հուլիսի 19-ին Լեռնային Ղարաբաղում կայանալու են հերթական նախագահական ընտրությունները։ Միջազգային ճանաչման ձգտող երկրի համար ազատ, մրցակցային և թափանցիկ ընտրությունները շատ կարևոր են հետագա զարգացման և բոլոր ոլորտներում բարեփոխումների համար։
Ըստ այդմ էլ երիցս կարևորվում է, որպեսզի նախընտրական պայքարh անցնի կառուցողական քաղաքական բանավեճերի մթնոլորտում եւ հայտնվի հասարակության հետաքրքրության եւ ուշադրության կենտրոնում: Իսկ դա ապահովելու համար անհրաժեշտ է նաև Հայաստանի հանրության, տեղեկատվական դաշտի ներգրավվածությունը։ Մինչդեռ վերջիններիս անդրադարձը ԼՂՀ հասարակական-քաղաքական զարգացումներին չի կարելի համարժեք համարել:
Այս բացը լրացնելու համար Հայաստանի զանգվածային լրատվամիջոցներին կոչ ենք անում հետեւողական, շահագրգիռ ու պրոֆեսիոնալ լուսաբանում ապահովել Լեռնային Ղարաբաղի նախագահական ընտրապայքարի գոնե վերջին փուլում։ Նկատի ունենալով ԼՂՀ-ում եւ ՀՀ-ում առկա գործընթացների շաղկապվածությունը՝ սա չափազանց կարևոր է երկու հանրապետությունների և նրանց հանրությունների համար:
Կարդացեք նաև
Հուլիսի 9, 2012
Բորիս Նավասարդան – ԵՄԱ նախագահ
Գևորգ Տեր–Գաբրիելյան – Եվրասիա համագործակցություն հիմնադրամի տնօրեն
Ստեփան Գրիգորյան – Գլոբալիզացիայի եւ տարածաշրջանային համագործակցության վերլուծական կենտրոնի խորհրդի նախագահ
Նունե Սարգսյան – Մամուլի աջակցության «Ինտերնյուս» ՀԿ նախագահ
Մանվել Սարգսյան – Ռազմավարական եւ ազգային հետազոտությունների հայկական կենտրոնի տնօրեն
Հովսեփ Խուրշուդյան – «Քաղաքացիական ազգային նախաձեռնություն» ՀԿ ներկայացուցիչ
Աշոտ Մելիքյան – «Խոսքի ազատության պաշտպանության կոմիտեի» նախագահ
Արմեն Գրիգորյան – «Ժողովրդավարություն հանուն զարգացման» ՀԿ նախագահ
Արթուր Պապյան – «Բազմակողմանի տեղեկատվության ինստիտուտ» ՀԿ նախագահ
Հայկազն Ղահրիյան – «Լրագիր» էլեկտրոնային թերթի գլխավոր խմբագիր
Էդիկ Բաղդասարյան – «Հետք» էլեկտրոնային թերթի գլխավոր խմբագիր
Թաթուլ Հակոբյան – Լրագրող, «Սիվիլիթաս» հիմնադրամի փորձագետ
Միքայել Զոլյան – Անկախ փորձագետ
